Россия премьер-лигасининг 8-тури доирасида марказий ўйин Москвада бўлиб ўтди. «Локомотив» ўз уйида «Ростов»ни қабул қилиб, имкониятни бой берди.

Ростовликларнинг ҳар иккала голига Элдор Шомуродов муаллифлик қилди. Учрашувнинг 41-дақиқасида бурчакдан етказилган узатмани ҳамюртимиз бош билан рақиб дарвозасига жойлаб қўйди.

Иккинчи бўлимда эса Ионов чап қанотдан жарима майдончасига кириб бориб, дарвозабон майдончасига узатма берди. Шомуродов икки ҳимоячидан чаққонроқ ҳаракат қилиб, тўпни дарвозани буриб юборди.

Ўйин тугашига 9 дақиқа қолганида Антон Миранчук битта жавоб тўпини киритишга муваффақ бўлди.

Шу тариқа, "Ростов" ўз очколарини 17тага етказиб, жадвал пешқадамига айланган бўлса, Шомуродов 7та гол билан тўпурарлар рўйхатини бошқармоқда.

Россия чемпионати, 8-тур
Локомотив – Ростов 1:2 (0:1)
Голлар: 0:1 – 41 Шомуродов, 0:2 – 58 Шомуродов, 1:2 – 81 Миранчук.
Локомотив – Гильерме, Рыбус, Чорлука, Хеведес, Игнатьев, Баринов, Крыховяк, Миранчук (Жоау Мариу, 30), Миранчук, Жемалетдинов (Джорджевич, 60), Смолов.
Ростов – Бабурин, Чернов, Сигурдссон, Козлов, Чистяков, Еременко, Норманн, Саплинов (Логашов, 67), Ионов (Зуев, 87), Попов (Байрамян, 60), Шомуродов.
Огоҳлантиришлар: Норманн (26), Еременко (39), Рыбус (64), Логашов (88), Игнатьев (90).