Мадриднинг “Реал” клуби дарвозабони Кейлор Навас шартнома имзолаш учун ПСЖ офисига ташриф буюрди. Бу ҳақида BeIn Sports нашри хабар берди.
Аввалроқ, костарикалик дарвозабон парижликлар учун 13,5 миллион еврога ўтиши маълум бўлган эди. Шунингдек, трансферга ПСЖ дарвозабони Альфонс Ареола ҳам қўшилади. Парижликлар дарвозабонни бир йилга ижарага беради.
Эслатиб ўтамиз, Навас 2014 йил “Реал” футболчисига айланган. Жорий мавсум у бирорта ўйинда майдонга тушмади. Унинг мадридликлар билан амалдаги шартномаси 2020 йилгача мўлжалланган.