Рафаэль Надаль АҚШнинг Нью-Йорк шаҳрида 26 августдан 8 сентябргача давом этган “Катта Дубулға” туркумига кирувчи US Open мусобақаси ғолиби бўлди.
US Open мусобақасининг эркаклар ўртасидаги яккалик баҳсларида дунёнинг иккинчи ракеткаси Рафаэль Надаль ҳал қилувчи финал учрашувида россиялик Даниил Медведевга қарши кортга чиқди.
Қарийб 5 соату давом этган драматик финалда Рафа 3:2 (7/5, 6/3, 5/7, 4/6, 6/4) ҳисобида зафар қучиб, ўз фаолиятида тўртинчи бор US Open ғолибига айланди.
Бу 33 ёшли испаннинг “Катта Дубулға” туркумига кирувчи турнирлардаги 19-соврини бўлди. Ушбу ғалабадан сўнг Надаль ҳисобини деярли 4 миллион долларга бойитиб олди.