Rafael Nadal AQSHning Nyu-York shahrida 26 avgustdan 8 sentyabrgacha davom etgan “Katta Dubulg‘a” turkumiga kiruvchi US Open musobaqasi g‘olibi bo‘ldi.
US Open musobaqasining erkaklar o‘rtasidagi yakkalik bahslarida dunyoning ikkinchi raketkasi Rafael Nadal hal qiluvchi final uchrashuvida rossiyalik Daniil Medvedevga qarshi kortga chiqdi.
Qariyb 5 soatu davom etgan dramatik finalda Rafa 3:2 (7/5, 6/3, 5/7, 4/6, 6/4) hisobida zafar quchib, o‘z faoliyatida to‘rtinchi bor US Open g‘olibiga aylandi.
Bu 33 yoshli ispanning “Katta Dubulg‘a” turkumiga kiruvchi turnirlardagi 19-sovrini bo‘ldi. Ushbu g‘alabadan so‘ng Nadal hisobini deyarli 4 million dollarga boyitib oldi.
