Машхур футболчиларнинг уйларига оғри ва талончилар томонидан босқинчилик холатлари тез-тез кузатилиб туради. Сўнгги йилларда бу хол янада авж олгани ачинарли. Бугун ўғрилардан жабр кўрган футболчилар ҳақида сўз боради.
Марик Гамшик
Италия ҳали-ҳамон мафиа ўчоғи эканлиги ҳеч кимга сир эмас. Ниаполь шахри эса, жиноятчиликнинг чинакам маркази сифатида алоҳида қайд этилади. Ушбу шахарда истиқомат қилувчи Марик Гамшик ҳам қуролли босқин қурбони бўлганлигига ишониш қийин. Футболни севучи шахар аҳолис учун Марек чинакам етакчи ва жамоага содиқ футболчи сифатида ҳурматга сазовар шахс бўлсада, икки бор тунаб кетилган. Аввалига 2008-йилда футболчининг машинасини қуролли кимсалар тўхтатиб футболчининг соати ва нақд пулларини олиб кетган бўлса, 2013-йилда ушбу холат яна такрорланади. Бу сафар ҳам словакиялик футболчи қўл соатидан айрилади. Умумий қилиб айтганда футболчи босқинлар ортидан 250 минг евро зарар кўрган экан.
Пеле
Бразилия ҳам жиноятчиликдан катта зарар кўрувчи давлатлар сирасига киради. Ушбу юрт жиноятчилари халқ қаҳрамони ва футбол отаси саналадиган Пелени ҳам тунаб кетганига ишониш қийин. 2008-йилда футбол афсонаси ўз машинасида қуршовга олинади. 10 кишидан иборат жиноий тўда Пеленинг қўл телефони, нақд пуллари ва тилла занжирини тортиб олишади. Энг қизиғИ шундаки, эртаси куни ўғрилардан бири собиқ футболчини таниб қолади ва унинг соатини қайтариб беради. Қолган буюмлар эса, тўдадаги бошқа йигитлар томонидан ўзлаштириб юборилгани боис, Пеле улардан умид узишга мажбур бўлади. Пеле унга соатини қайтариб берган ўғри ҳақида полицияга арз қилишдан бош тортади қолган буюмларидан воз кечади. Ушбу ходисадан сўнг, Пеленинг жиноятчилар дунёсида мартабаси ошиб кетади.
Френк Лемпард
2005-йилда қаллиғи билан Лондон четидаги ҳашаматли саройга кўчиб ўтган Френк ҳам оғрилардан жабр кўрган. Футболчининг уйига ярим тунда босқинчилар кириб келади ва уйдаги барча қимматбахо буюмларни умариб кетишади. Футболчи ва унинг қаллиғИ иккинчи қаватда бўлгани боис, пастадаги шовқинни эшитишмайди. Бу ҳам етмаганидек, ўғрилар Лемпарднинг қимматбахо иккита машинасини ҳам ўғирлаб кетишади. Энг қизиғИ шундаки, Френкнинг уйидан оғирланган буюмларнинг бирортаси ҳам топилмайди. Оқибатда футболчи янги уйини бир йилдан сўнг сотиб юборади.
Анҳел Ди Мариа
«Манчестер Юнайтед» сафига эндигина келиб қўшилган Анҳел ҳам бундай ёқимсиз холатдан бебахра қолмаган. Тўғри, футболчи катта талофат кўрмаган бироқ, босқинчилар уйга кириб келганида Ди Марианинг қизи ва турмуш ўртоғИ уйда бўлган. Ўғрилар полиция машинасининг овозини эшитибоқ уйни тарк этишган.
Бўлиб ўтган ходисадан сўнг, футболчи ўша куниёқ Меҳмонхонага кўчиб ўтади. Орадан кўп ўтмай у Ангилияни тарк этади.
Кевин Принс Боатенг
Футболчи «Барселона» сафига ўтганига бир ой ҳам бўлмасданоқ ўғрилар томонидан тунаб кетилади. 2019-йилнинг 16 февраль санасида Каталония клуби Ла Лига доирасида «Валенсия» жамоасини қабул қилаётган эди. Ўйин бошланган вақтда босқинчилар Кевиннинг уйига оғриликка тушишади. Улар футболчи бу вақтда уйда бўлмаслигини аниқ билишганини тахмин қилиш мумкин. Ўша оқшом футболчи умумий ҳисобда 300 минг евродан ортиқ моддий зарар кўради. Бечора Кевин оғрилик содир этилган кундан сўнг меҳмонхонага кўчиб ўтади ва жамоадан кетгунига қадар ўша меҳмонхонада истиқомат қилади.
