"Манчестер Сити" бош мураббийи Пеп Гвардиола Лерой Саненинг мавсум охиригача майдонга қайтишини айтди.

Англия Суперкубоги учун "Ливерпуль"га қарши учрашувда Лерой Сане жиддий жароҳат олган эди, натижада у жарроҳлик амалиётини ўтказди.

Пеп Гвардиола қачон Санени футбол майдонига қайтариш мумкинлигини айтди.

"У мавсум охиригача қайтиб келади. У август ойида жароҳат олган, шунинг учун у декабр, январ ёки феврал ойларида футбол майдонига қайтиши мумкин. Операция яхши ўтди ва у соғайиш жараёнини давом эттириш учун бизга қайтди. Умид қиламанки, ҳаммаси яхши бўлади", - деди Гвардиола Sky Sports нашрига.