Ўзбекистон Суперлигаси 19-туридан ўрин олган “Андижон” ҳамда “Сўғдиёна” жамоалари ўртасидаги ўйин бўлиб ўтди. Ўйиндан кейиниг матбуот анжуманининг биринчи қисмида меҳмонлар устози Улуғбек Бақоев иштирок этди.

–“Андижон” жамоасини яхши биланман. Рақиб айни дамда мусобақа жадвалининг қуйи қисмида боряпти. Аммо ўйин кутилганидек қийин бўлди. Биз учун ҳам рақиб учун ҳам ҳар бир очко олтинга тенг. Дуранг адолатли натижа бўлди. Рақибга келгуси ўйинларда омад тилайман.

Биз доимо майдонга ғалаба учун тушамиз, бу табий ҳол. Сабаби ҳар бир жамоа майдонга ғалаба учун тушади. Бироқ футболда доим ўйлаганингиз амалга ошмайди. Бугун ғалаба қозонишни хоҳлагандик, аммо якунда дуранг ўйнадик.

Натижадан бир томондан қониқдим бир томондан йуқ. Ҳар бир очко учун курашадиган жамоа билан дуранг ўйнаш адолатли, бироқ ўйиннинг сўнгги қисмида 1та ўйинчи кўп бўлиб ўйнадик бундан фойдаланишимиз керак эди.

Рақиб ҳақида нима дея оласиз?

- Нима дейишим мумкин. Яхши жамоа. Бугун улар майдоннинг ҳар бир қаричи учун курашишди. Рақиб ҳақида фикрларим яхши. Рақиб мураббийи билан ҳам алоқаларим яхши. Ўйиндан кейин биз бир-биримизга омад тиладик.

Жамоанинг молиявий аҳволи қай даражада?

- Бу ҳақида гапиришга ҳаққим йуқ. Бироқ бугунги кунда бизда бу масалада муаммо йуқ", - дея Бақоев сўзларини келтиради Stadion.uz журналисти Жалолиддин Қобилжонов.