Қатар Юлдузлар Лигасида 3-тур ўйинлари ўтказилмоқда. Ҳамюртимиз Сардор Рашидов фаолият олиб бораётган "Қатар СК" жамоаси "Ал Ғарафа" билан баҳс олиб борди.
Учрашувда ўзбекистонлик ярим ҳимоячи янги клуби таркибида Қатар чемпионатидаги илк голини киритишга муваффақ бўлди. Ўйин “Ал Ғарафа”нинг 3:1 ҳисобидаги ғалабаси билан якунланди.
Шунингдек, бугун Япония Жей-лигасида 26-тур учрашувлари ўтказилди. Ҳамюртимиз Фозил Мусаев фаолият олиб бораётган "Жубило Ивата" клуби "Кавасаки Фронтале" меҳмони бўлди ва сафарда 2 та тўп фарқи билан мағлубиятга учради.
Учрашувда ўзбекистонлик ярим ҳимоячи 90 дақиқа майдонда ҳаракат қилди ва 24-дақиқада ҳакам томонидан огоҳлантирилди.
