Екатеринбургда бокс бўйича жаҳон чемпионатининг нимчорак финал босқичи жанглари якунига етиб бормоқда.

Ҳозиргина -81 кг. вазн тоифасида Дилшодбек Рўзметов руминиялик Андреи Арадоайга қарши жанг олиб борди. Ҳамюртимиз жанг бошидан фаоллик намойиш қилиб, биринчи раундда устунликка эга бўлди.

Иккинчи бўлимда эса бўй жиҳатдан устунликка эга бўлган румин боксчиси вазиятни тенглаштиришга муваффақ бўлди. Боз устига, жанг рефериси ватандошимизга огоҳлантириш берди.

Учинчи раундда Дилшодбек аниқроқ ва кўпроқ зарба бериб, жангни ўз фойдасига ҳал қилди. Ҳакамларнинг баҳолари — 5:0 (29:27, 28*:28, 29:27, 28*:28, 28:28).
 
Рўзметов чорак финалда Умар Жамбеков (Австрия) / Лорен Алфонсо (Озарбойжон) жуфтлиги ғолибига қарши рингга кўтарилади.

Шу тариқа, Жаҳон чемпионатида тўртинчи боксчимиз чорак финалга чиққан бўлса, 3 нафар ҳамюртимиз мусобақани тарк этди. Бироздан кейин энг оғир вазндаги боксчимиз Баҳодир Жалолов ўзининг дастлабки жангини ўтказади.