Россияда давом этаётган бокс бўйича жаҳон чемпионатининг чорак финал босқичи доирасида рингга кўтарилган учинчи ўзбекистонлик спортчи ғалаба қозонишга муваффақ бўлди.
69 кг. вазнда Бобоусмон Батуров иорданиялик Зиёд Эшашга қарши жанг олиб борди. Рақиб боксчиси 1-раундда биринчи рақам остида ишлашга ҳаракат қилганига қарамай, ҳамюртимиз қарши ҳужумда аниқроқ зарба берди.
Иккинчи бўлимдан бошлаб Бобоусмоннинг устунлиги ошиб борди ва Зиёдга имконият қолдирмади — 5:0 (30:27, 30:27, 30:27, 30:27, 30:27).
Батуров ярим финалда Оказава (Япония) / МакКормак (Англия) жуфтлигига қарши рингга кўтарилади.
Эслатиб ўтамиз, ааввалроқ Ўзбекистоннинг икки боксчиси — Шаҳобиддин Зоиров (52 кг.) ва Миразиз Мирзахалилов (57 кг.) ярим финал йўлланмасига эга бўлишган эди.