"Беназир" немис тилини ўрганаётганини тан олди.
Шу кунларда "эркин ижодкор" вазифасини бажараётган Жозе Моуриньо айни пайтда немис тилини ўрганаётганини айтиб ўтди.
"Немисчани ўрганяпман. Нега айнан шу тилни деб сўрасангиз, айтишим мумкинки, мени тўсатдан Германияга ишга таклиф қилишлари ёки Чемпионлар лигасида бирорта немис клуби билан учрашиб қолишим мумкин. Шу кунгача бешта тилда гапиришни ўрганиб олганман."
Таъкидлаш жоизки, Жозе Моуриньо декабрь ойида "Манчестер Юнайтед" бош мураббийлигидан озод этилган эди. Шундан сўнг португалик мутахассис телевидениеда эксперт сифатида фаолият кўрсатмоқда.
Олдинроқ Моуриньонинг "Реал"ни бошқариши мумкинлиги ҳақида хабарлар тарқалган эди.
