"Benazir" nemis tilini o‘rganayotganini tan oldi.
Shu kunlarda "erkin ijodkor" vazifasini bajarayotgan Joze Mourinyo ayni paytda nemis tilini o‘rganayotganini aytib o‘tdi.
"Nemischani o‘rganyapman. Nega aynan shu tilni deb so‘rasangiz, aytishim mumkinki, meni to‘satdan Germaniyaga ishga taklif qilishlari yoki Chempionlar ligasida birorta nemis klubi bilan uchrashib qolishim mumkin. Shu kungacha beshta tilda gapirishni o‘rganib olganman."
Ta’kidlash joizki, Joze Mourinyo dekabr oyida "Manchester Yunayted" bosh murabbiyligidan ozod etilgan edi. Shundan so‘ng portugalik mutaxassis televideniyeda ekspert sifatida faoliyat ko‘rsatmoqda.
Oldinroq Mourinyoning "Real"ni boshqarishi mumkinligi haqida xabarlar tarqalgan edi.
