Кириш Регистрация
22/10 15:00 Қўқон-1912 2-4 Пахтакор
22/10 18:00 АГМК 3-0 Динамо
22/10 21:55 Шахтёр 2-2 Динамо Загреб
22/10 21:55 Атлетико 1-0 Байер
22/10 23:59 Галатасарой 0-1 Реал Мадрид
22/10 23:59 Брюгге 0-5 ПСЖ
22/10 23:59 Олимпиакос 2-3 Бавария
22/10 23:59 Тоттенҳэм 5-0 Црвена Звезда
22/10 23:59 Манчестер Сити 5-1 Аталанта
22/10 23:59 Ювентус 2-1 Локомотив
23/10 21:55 Лейпциг - Зенит
23/10 21:55 Аякс - Челси
23/10 23:59 Зальцбург - Наполи
23/10 23:59 Генк - Ливерпуль
23/10 23:59 Интер - Боруссия Д
23/10 23:59 Славия - Барселона
23/10 23:59 Бенфика - Лион
23/10 23:59 Лилл - Валенсия

Хабарлар

Ўша гап! Ўша Месси!

Баҳо:
+1 | -1

Кеча ЕЧЛ гуруҳ босқичи доирасида кечган ўйинда «Барселона» ўз уйида муқаррар мағлубиятдан қутулиб, якунда зафар қучди. Гарчи мазкур ўйинда Суарес дубль қайд этган бўлса-да, ғалабанинг асосий сабабчиси бутунлай бошқа — Лионель Месси.

ОЧИҚ ЗОНА

Месси майдонга тушмаган пайтда рақиб ҳимоячиларининг бор эътибори Суарес ва Гризманнга қаратилади. Месси майдонда бўлганида эса камида иккита рақиб унга бириктирилади. Ҳужумлар пайтида камида иккита футболчи Мессининг зарарсизлантиришга уринади. Бу эса Суарес ва Гризманнга очиқ ҳудуд яратиб беради. Кеча ҳам шунга ўхшаш вазият юзага келди. Артуро Видаль тўпни узатаётган пайтда Мессини қўриқлашга киришган футболчилар Суаресни эътиборсиз қолдиришди. Иккинчи голда эса Месси Суаресни ажойиб узатма билан таъминлади.

ҲАМ ЮТУҚ, ҲАМ КАМЧИЛИК

Кеча Мессини асосий таркибда кўриб, икки хил хулоса чиқардим: ҳам ижобий, ҳам салбий. Ижобийси, «Барселона»да бошқа жамоалар, хусусан, «Реал»дан фарқли равишда ўйинни қутқара оладиган, ғалабани таъминлаши мумкин бўлган етакчи бор. Салбийси, «Барселона» ана шу етакчига тамомила боғланиб қолган. «Интер»га қарши ўйинда Вальверденинг жароҳатидан эндигина тузалган футболчини дастлабки дақиқаларданоқ майдонга туширишга мажбур бўлгани ҳам фикримизнинг исботидир.

Кечаги ўйинда Мессининг жароҳатидан эндигина фориғ бўлгани сезилди, барибир. Олдингидек чаққон, олдингидек шиддатли ўйнай олгани йўқ, аммо ҳозирги ҳолатида ҳам «Барселона»да керакли натижани у таъминлаяпти. Бу эса тезроқ бартараф этилиши лозим бўлган камчилик, яъни Мессисиз нимадир қила олишни ҳамон ўргана олмаган «Барселона» Лео кетадиган бўлса, қийин аҳволга тушиши табиий.

Кечаги ўйинни кўриб, шундай хулосага келдим — Месси «феномен». Айни дамда ҳеч бир жамоа Лео каби яққол етакчига эга эмас. Шу боисдан Каталония клуби совринларни қўлга киритишни ният қилган бўлса, бунинг учун Месси фақат ва фақат майдонда бўлиши керак. Ҳатто Месси тушмаган битта ўйинда ҳам унинг йўқлигини билинаётгани бор гап.

Месси — ақлли футболчи. Буни кеча унинг тўпсиз ўйинидан ҳам билдим. Тўпсиз деярли кўзга кўринмай, ҳеч ким эътиборини тортмай юрадию, тўп яқинлашганида дарров уни қабул қилиб олади ҳамда хавфли вазият яратишга интилади. Кеча ҳам рақиб футболчиларини бир нечта вазиятда алдаб, жамоадошлари учун хавфли вазият яратишга ҳаракат қилди. Месси кеча гол уриш учун эмас, жамоасининг гол уришига шароит яратиб бериш учун майдонга тушганини, кўпроқ шу вазифа унинг зиммасида эканлигини ҳис этиб ўйнади.

Иккинчи томондан, «Интер» иккинчи бўлимда ҳеч нарса қила олмади. Конте, барибир, италиялик мураббийлигига борди ва кўпроқ ҳимояга эътибор берди. Аксига олиб, қарши ҳужумларда пала-партишлик панд берди. Ўйиндан олдин Конте «Бизга мотивациянинг кераги йўқ, «Барса» номининг ўзи етарли», деганди. Буни қарангки, «Барса» номининг ўзи ҳам мотивация берибди, ҳам «Интер» футболчиларининг юрагига ваҳима солиб қўйибди. Бу эса кўплаб довдирашларга сабаб бўлди ва «Интер» бир қанча ажойиб вазиятларни кўкка совурди.

Айни дамда «Барселона» иккинчи ўринга жойлашди. Биринчи ўйинда «Славия»ни мағлуб этган Дортмунднинг «Боруссия»си. Бу икки жамоада 4 очкодан бор. «Интер» ва «Славия» эса бир очкодан тўплашган, тўплар нисбатига кўра «Интер» 3-ўринни эгаллаган.

Навбатдаги турда «Барселона» «Славия»ни имтиҳон қилади. «Интер» эса Дортмунднинг «Боруссия»си билан куч синашади. Ана шу ўйин ҳақиқий шедеврга айланса, ажаб эмас.

 

Манба: stadion.uz
Киритилди: 14:52, 03.10.2019.
Ўқилди: 10104 марта.
Фикрлар: 8 та.

Бўлимга тегишли қизиқарли хабарлар

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.