Профессионал боксчи Исроил Мадримов мексикалик Aлехандро Баррерага қарши жангдан сўнг ўз фикрларини билдириб ўтди.
“Бу мен учун дастлабки катта қадам. Геннадий Головкиннинг йўлидан кетмоқчиман. Рақиб чидамли экан. Унга қарши баҳсга икки ой тайёргарлик кўрдим, унинг жангларини томоша қилдим. Жанг қилдим, баҳсни бешинчи раундда якунладим.
Жанг мобайнида ўз услубимни топиб олдим ва баҳсни ўз фойдамга ҳал қилдим. Энг аввало чиройли бокс кўрсатишга ҳаракат қилдим.
Мен бошиданоқ сенсация қилишга тайёр эдим. Мени қўллаб-қувватлаб турган барчага миннатдорчилик билдираман", деди Мадримов.
Эслатиб ўтамиз, Исроил Мадримов жангнинг бешинчи раундида рақиби мексикалик Aлехандро Баррерани нокаутга учратди.