Кириш Регистрация
12/08 23:59 Аталанта 1-2 ПСЖ T
13/08 23:59 Лейпциг - Атлетико
14/08 23:59 Барселона - Бавария

Хабарлар

Ҳабиб Нурмагомедов Ўзбекистонда MMA академиясини очмоқчи

Баҳо:
+ | -
Бўлим: СПОРТ

MMA жангчиси, енгил вазнда UFC чемпиони Ҳабиб Нурмагомедов Ўзбекистонда жанг санъати академиясини очишни режалаштирмоқда. Бу ҳақда у Санкт-Петербургда ўтган Синергия глобал форуми доирасидаги матбуот анжуманида маълум қилди.

«Ўзбекистонда келгусида MMAни ривожлантириб, академиямни очиш ниятидамиз.

Ўзбекистонда дўстларимиз кўп. Нафақат дўстларим, мухлисларим ҳам жуда кўп. Адашмасам, у ерда 35 миллион аҳоли бор. Дунёнинг қаерига борсам ҳам, ўзбеклар олдимга келиб, омад тилашади», – деди Нурмагомедов.

Ҳабиб, шунингдек, 23 ноябрь куни Тошкентда амакиваччаси Умар Нурмагомедов иштирокида ўтадиган GFC-21 мусобақаси «Ҳумо» аренасида ўтказилишини маълум қилди.

«Биз у ерда GFC-21 турнирини ўтказамиз. Бу – Ўзбекистон тарихидаги илк MMA мусобақаси бўлади. Адашмаётган бўлсам, турнирни «Ҳумо» аренасида ўтказамиз.

[Бу ғояни] ҳукумат қўллаб-қувватлаяпти. Мусобақада ўзбекистонлик 7 нафар, бизнинг залимиздан эса 6 нафар жангчи қатнашади», – деди доғистонлик жангчи.

Ҳабиб Нурмагомедовнинг айтишича, у навбатдаги жангини келаси йил март ёки апрель ойида ўтказишни режалаштирган.

Манба: kun.uz
Киритилди: 09:00, 08.10.2019.
Ўқилди: 2314 марта.
Фикрлар: 1 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.