Германия ва Аргентина терма жамоалари Дортмундда ўртоқлик ўйинини ўтказишди.

Германияликлар биринчи бўлим ўрталаригача Гнабри ва Хавертц томонидан урилган голлар эвазига олдинга чиқиб олишди. Иккинчи бўлимнинг иккинчи ярмида эса "альбиселесте" мағлубиятдан қутулиб қолди. Аларио ва Окампос рақиб дарвозасига йўл топа олишди.

"Барселона" ҳужумчиси Лионель Месси дисквалификация туфайли мазкур ўйинда Аргентина терма жамоасига ёрдам бера олмади.

Ўртоқлик ўйини
Дортмунд, Германия
Германия – Аргентина 2:2 (2:0, 0:2)
Голлар: 1:0 – 15 Гнабри, 2:0 – 22 Хавертц, 2:1 – 66 Аларио, 2:2 – 85 Окампос.
Германия – тер Стеген, Клостерманн, Хальстенберг, Зюле, Киммих, Эмре Жан, Хавертц (Руди, 83), Брандт (Амири, 66), Гнабри (Сердар, 72), Кох, Вальдшмидт.
Аргентина – Марчесин, Отаменди, Тальяфико, Фойт, Рохо (Акунья, 46), Паредес, Перейра (Саравия, 76), де Пауль (Родригес, 90), Корреа (Окампос, 46), Мартинес, Дибала (Аларио, 62).
Огоҳлантиришлар: Киммих (11), Отаменди (26), де Пауль (30), Окампос (84).