Футбол оламидаги кўплаб юлдузлар ичкилик сабабли машхурлик саҳнасидан эрта тушиб кетишга мажбур бўлишганидан хабарингиз бор. Бугун Айнан ичкилик туфайли ўз кариерасини қурбон қилган футболчилар ҳақида сўз боради.
Адриано
Бразилиялик футболчи 21-аср бошида дунёнинг энг иқтидорли футболчиси саналар, мутахассислар томонидан «олтин тўп»нинг бўлажак эгаси сифатида эътироф этилар эди. Кучли зарба, ажойиб теҳника ва жисмонан етук футболчи футболда катта ғалабаларни қўлга киритиши мумкин эди, бироқ ичкилик барчасини тамомила ўзга томонга буриб юборди. Ёш бўлишига қарамасдан «Интер» клубида энг катта маош олувчи футболчилардан бири саналадиган Адриано секин-аста машғулотлардан кўра тунгги клубларни авзал кўра бошлади.
Энг ачинарлиси шундаки, бразилиялик футболчининг ўзи бу ботқоқдан чиқиш учун ҳаракат қилмади ва Европадаги фаолиятини жуда эрта якунлади. Кейинчалик Бразилияда фаолиятини давом эттирган Адриано маҳалий мафия билан алоқа ўрнатди ва тўлиқ ичкиликка ружу қўйиб юборди. Футболчи машғулотларга ширакайф холатда келар, деярли шуғулланмас ҳам эди. Нотоғри ҳаёт тарси ўз сўзини айтди ва футболчи 30 ёшга тўлмасидан туриб бир неча килограм ортиқча вазн ортириб олди. Кейинчалик докторлар унинг юраги футбол ўйнашни кўтара олмаслигини айтишганидагина Адриано барчасини тушуниб қолди. Минг афсуски, энди ҳеч нарсани ортга қайтариб бўлмас аҳволга келиб қолган эди.
Артём Милевский
Украиналик футболчи ўз вақтида Европадаги барча грандларнинг оромини ўғирлаган келажаги порлоқ футболчилардан бири эди. Унинг фантастик теҳникаси ва ўйинни ўқий олиш қобилияти сабабли футболчининг атрофида топ клублар тинмай ўралашиб юрар, Милевский эса, оғир ҳарактери сабабли бирорта клуб билан келишувга эриша олмас эди. Футболчининг айтишича, «Фиорентина», «Тоттенҳем», «Арсенал», «Севильа», «Байер» сингари клублар футболчини ўз сафида кўришни истаган ва хатто расмий таклиф билан ҳам чиқишган экан. Афсуски, Милевский машхурликни кўтара олмади. Дарҳақиқат, тинимсиз равишда аёллар билан муаммоларга ўрлашиб юрадиган футболчи тунгги клубларнинг доиммий мижозига айланди. Унинг ҳаётида қора кунлар Олег Блохин «Динамо Киев» клуби бош мураббийи бўлган куни бошланди десак, адашмаган бўламиз. Мураббий расман таништирилган маросимга кеч қолмаслик учун тунги халатда ташриф буюрган Артём ўзи билмаган холди бутун Украина матбуотининг нишонига айланиб қолади. Унинг ширакайф холда янги мураббийнинг тақдимот маросимига тунги халатда келиши футбол мухлисларида футболчига бўлган нафратни уйғотади.
Артём бирорта топ клубга ўтмагач, Украинада зерика бошлайди ва батамом ичкиликка берилиб кетади. Клубда катта ҳурматга эга бўлгани ва ўз ўйини билан ғалабага катта ҳисса қўшгани учун ҳеч ким унга ортиқча сўзлай олмайди. Кейинчалик бир неча бор маст холда машина бошқаришда айбланган футболчи интернет қаҳрамонига айланиб кетади. Бутун Украина унинг хатти-ҳаракатларини муҳокама қилишни бошлайди. Кучли босим футболчининг руҳиятига кучли зарба беради ва Милевскийнинг ўйинида кескин пасайиш кузатилади. У ўйни чиқмагани сари мураббий ва жамоадошлари билан жанжаллар чиқара бошлагач, «Динамо Киев» уни қўйиб юборишга мажбур бўлади. Ҳозирда «Динамо Брест» клубида фаолият олиб бораётган Артём барчасини бошидан бошламоқчи эканлиги ҳақида интервьюлар беришдан чарчамаяпти. Бироз кеч қолмадимикан? Яна ким билади дейсиз?!
Веллитон
Бразилия терма жамоасидан чақирув олишга жуда яқин келган, икки бор РПЛ тўпурари бўлишга муваффақ бўлган Веллитоннинг келажаги ичкилик бўлмаганида умуман бошқача кўриниш олган бўлар эди. Дарҳақиқат, жуда камбағал оила таввалуд топган қаҳрамонимиз Москванинг «Спартак» клубига ўтгач, бор эътиборини футболга қаратади ва бир мавсум ичида бутун Россияни ўзи ҳақида сўзлашга мажбур қилади.
Веллитоннинг Россиядаги илк йилларида тўхтатиб бўлмас, чаққон ва теҳник томонлама тенгсиз футболчи чемпионатдаги ҳимоячиларни истаган кўйига солар эди. Машхурлик ва катта пулга ўрганманган бразилиялик футболчи шахсий ҳаётида бирин кетин ҳатоларга йўл қўя бошлади. Аввалига модель қизлар билан ўралашиб қолган Веллитон кейинчалик ичкиликка ружу қўйди. Ўша даврлардаги «Спартак» бош мураббийи Валерий Карпиннинг айтишича, футболчини тўғри йўлга солиш учун барча услубни қўллаб кўришган экан. Мураббийнинг ўзи ўша давр ҳақида қуйидагича хотирлайди : « Биз уни қўрқитиб кўрдик, эртаси куни яхши гапириб йўлга солмоқчи бўлдик. Орадан вақт ўтиб барчасини очиқ гаплашиб олдик, бироқ ҳеч нарса ўзгаргани йўқ. У машғулотларга маст холда келишни бошлади. У билан узоқ суҳбатлашдик. Кейинчалик умуман машғулотларга келмай қўйди. Веллитон натижа бераётгани учун барчасига чидадик. Унинг клуб учун фойдаси тегмай қўйгач эса, дарҳол алоқаларни узиб юбордик. Бизда бундан бошқа йўл қолмаган эди»
Дарҳақиқат, ичкилик ва аёллар сабабли футболчи жуда катта миқдорда қарзга кириб қолгани етмаганидек, ўз спорт формасини ҳам йўқотди. Кейинчалик Россиянинг бир нечта ўртамиёни клубларида ўзини синаб кўрган футболчи аввалги даражасига қайта олмади ва барча мухлисларнинг назлида ношудга айланиб қолди.
