Мадриднинг “Реал” ҳамда Испания терма жамоаси сардори Серхио Рамос Евро-2020 саралаш турнирининг 7-турида Норвегия терма жамоасига қарши учрашувда майдонга тушди.
Ушбу учрашув 33 ёшли марказий ҳимоячининг Испания терма жамоаси сафидаги 168-учрашуви сифатида тарихдан жой олди.
Бу Испания терма жамоасида рекорд саналади. Рамос Икер Касильядан ўтиб кетди. Касильяс Испания терма жамоаси сафида 167 маротаба майдонга тушганди.
Рамос Испания терма жамоасида 2005 йилдан фаолият олиб келмоқда.
Рамос Испания терма жамоаси сафида 21та гол киритишга муваффақ бўлган.
Рамос – Испания терма жамоаси сафида Жаҳон чемпионлигини ва икки маротаба Европа чемпионлигини қўлга киритган.
