Франциялик ҳужумчи Антуан Гризманн Евро-2020 саралаш доирасидаги Туркияга қарши учрашувдан (1:1) олган таассуротлари билан ўртоқлашди.
"Биз мукаммал футбол намойиш этмаяпмиз. Айтишимиз мумкинки, омад бизни тарк этди ва энди уни қайтаришимиз керак. Тўп шунчаки дарвозага кирмайди. Бу футбол. Сиз сабр-тоқатли бўлишингиз ва клубларда кўпроқ ишлашингиз керак.
Ҳали иккита учрашувимиз бор. Биз Молдавия ва Албанияни мағлуб этишимиз керак. Яна иккита учрашув ва шундан кейин биз нишонлашимиз мумкин", - деди ҳужумчи.