Тошкент вақти билан 16:45 да бошланадиган Цингапур ва Ўзбекистон терма жамоалари ўртасидаги ўйинга оз вақт қолмоқда. Ўйин олдидан жамоамизнинг таҳминий таркиби қуйидагича кўриниш олади.

Дарвозамизни Элдор Суюнов қўриқлайди.

Ҳимоячилар: Ўтган учрашувда ўзини кўрсата олган Хожиакбар Алижонов ва Фарух Сайфиевлар қанот ҳимоясидан жой олса, ҳимоя маркази Рустам Ашурматов ва Ислом тўхтахўжаевларга ишониб топширилади.

Таянч нуқтасида катта эҳтимол билан Отабек Шукоровни кўришимиз мумкин. Ундан олдинроқда Санжар Қодирқулов ва Жамшид Искандеров жойлашади.

Қанотларда Ўтган учрашувда фаол кўринган Жалолиддин Машарипов ва Достон Ҳамдамовлар ўрин олиши таҳмин қилинмоқда. Ҳужум марказида эса, мухлислар ёқимтойи Элдор Шомуродов ўрин олади.

Ушбу учрашувда Вадим Абрамов таркиб борасида катта ўзгаришга қўл урмасада, илк дақиқаларда ҳужумга берилиб кетмаслиги аниқ. Тошкентдаги ўйиндан фарқли ўлароқ Ҳамдамов ва Машарипов ҳужум зонасидан кўра марказга яқинроқ тўп сурса, ажаб эмас. Шунингдек, ўйин давомида тўп назоратига бўлган эътибор янада кучаяди ва терма жамоамиз рақибни тўпсиз ўйнашга мажбур этадигандек ҳис уйғонмоқда. Агарда биринчи бўлимда ҳисоб очилмаса, Абрамов иккинчи бўлимда Машарипов ва Ҳамдамовни олдироқ суриб заҳирадан Одил Аҳмедовни жангги ташлаши, ва ўйин тезлигини кескин кўтариши мумкин. Умид қиламизки, ўйин тўлиқ бизнинг режамиз асосида ўтади в якунда 3 очко терма жамоамизга насиб этади.