Тошкентнинг "Ҳумо" клуби сафардаги сериядан ўрин олган сўнгги баҳсини Санкт-Петербургнинг "Динамо" жамоасига қарши ўтказди. Қизиқарли ва томошабоп тарзда кечган баҳснинг асосий вақти ва овертаймида кучлар тенг келди - 1:1. Ғолиб эса буллитлар сериясида аниқланди ва унда омад мезбонларга кулиб боқди - 3:1.
Тошкентликлар сафида киритилган ягона голга Всеволод Сорокин муаллифлик қилди. У томонидан киритилган шайбага Артём Воронин ҳаммуаллифлик қилди.
Биласиз, хоккейда ғалаба учун 2 очко берилади. Агарда, ғолиб асосий вақтда аниқланмаса, овертайм ёки буллитлар сериясида мағлуб бўлган жамоа 1 очкони қўлга киритади. Шу тариқа, Евгений Попихин шогирдлари ҳам 1 очкога эга чиқди.
