Футбол бўйича Испания чемпионатининг 10-турдаги "Барселона" ва "Реал Мадрид" ўртасидаги учрашув Каталония пойтахтидаги норозилик намойишлари туфайли қолдирилди. Бу ҳақида Испания қироллиги футбол федерацияси матбуот хизмати хабар тарқатди.
Маълумот учун, "Барселона" ва "Реал" ўртасидаги ўйин 26 октябрь куни бўлиб ўтиши керак эди.
Хабарда ёзилишича, клублар 21 октябрга қадар ўйиннинг янги санаси ҳақида келишиб олишлари керак. Агар клублар бу борада келиша олишмаса, ўйиннинг янги санаси Испания чемпионати раҳбарияти ва RFEF томонидан белгиланади.