Кириш Регистрация
16/11 00:45 Швейцария 1-0 Грузия
16/11 00:45 Дания 6-0 Гибралтар
16/11 00:45 Испания 7-0 Мальта
16/11 00:45 Руминия 0-2 Швеция
16/11 00:45 Босния-Герцеговина 0-3 Италия
16/11 19:00 Кипр 1-2 Шотландия
16/11 22:00 Озарбойжон 0-2 Уэльс
16/11 22:00 Словения 1-0 Латвия
16/11 22:00 Россия 1-4 Бельгия
16/11 22:00 Сан-Марино 1-3 Қозоғистон
17/11 00:45 Шим. Ирландия 0-0 Голландия
17/11 00:45 Германия 4-0 Беларусь
17/11 00:45 Хорватия 3-1 Словакия
17/11 00:45 Австрия 2-1 Македония
17/11 00:45 Исроил 1-2 Польша
17/11 19:00 Люксембург 0-2 Португалия
17/11 19:00 Сербия 2-2 Украина
17/11 22:00 Косово - Англия
17/11 22:00 Болгария - Чехия
18/11 00:45 Албания - Франция
18/11 00:45 Молдова - Исландия
18/11 00:45 Андорра - Туркия

Хабарлар

Вадим Абрамов: «Кўрдингизми? Ютқазганингизда ҳеч ким қўнғироқ қилмайди»

Баҳо:
+2 | -

Суперлиганинг 22-туридан ўрин олган “Бунёдкор” ҳамда  АГМК жамоалари ўртасидаги ўйин якунланди. Ўйиндан сўнг матбуот анжуманининг иккинчи қисмида мезбонлар бош мураббийи Вадим Абрамов журналистлар саволларига жавоб қайтарди.

- Оддий вазиятларда хатога йўл қўйдик. Гарчи мағлубиятга учраган бўлсак-да, ҳисоб ўйинга мос бўлди, дея олмайман.

Нега жамоанинг ўйинида пасайиш рўй берди? Ҳар қандай жамоада «спад» бўлади. Бу янгилик эмас. Шунчаки, биз жуда оддий вазиятларда хатога йўл қўйяпмиз. Энг ёмони, тажрибали футболчилар шундай хатолар йўл қўймоқда.

Қолаверса, захира ўриндиғимиз қисқалиги ҳам панд бермоқда. Хусусан, футболчиларимиз терма жамоалардан икки кун аввал етиб келишди. Бирга шуғулланишга етарлича вақт бўлмади.

Мабодо бугунги учрашувни икки кундан кейин ўтказганимизда ўйин бошқачароқ бўлиши мумкин эди. Агар захира ўриндиғимиз узун бўлганида бугун бошқа футболчиларнинг хизматидан фойдаланган бўлардим.

– Миржалол Қосимов ва Вадим Абрамов қарама-қаршилигида Қосимов устунлик қилмоқда (6:1). Бу ҳақида нима дейсиз?

– Демак, Қосимовни табриклаш керак.  Яқинда у рекорд ўрнатади. Статистикани қаердан олишади аниқ билмайман, лекин... ҳа, майли шундай бўлақолсин.

– Жамоа мавсумни ёш таркиб билан бошлади. Кузга келиб эса жамоада иштиёқ йўқолгандек таасурот уйғотмоқда.

Ҳа,  тўғри айтасиз бизда бироз пасайиш бўлди. Сабаби, ҳамма дам олган вақтда бизнинг футболчилар ОТЖ йиғинига йўл олишади. Агар кучли захирамиз бўлганда бундай бўлмас эди, менимча.

– Мавсум якунлангач “Бунёдкор”дан аниқ кетасизми? Сўраганимнинг сабаби, сизда мотивация йўқолгандек туюлмоқда.

– Менда барчаси яхши. Фақат қийин тақвим туфайли бизда шундай муаммолар бўлмоқда. Сабаби, 15 куни келдик, мана бугун ўйнаяпмиз. Агар, ўйин 2 кундан кейин бўлганида бошқача бўларди. Кетаманми? Ўзбек футболи учун фойдали қарорга келамиз.

Биринчи гол дарвозабоннинг хатоси билан бўлди. Балки Абдужалиловни синаб кўриш керакдир.

– Бу ҳақида фикр билдириш қийин.Биринчи гол ўтказилган вазиятда ёши катта футболчиларга нима бўлганини умуман тушунмадим. Биринчиси аут отди, иккинчиси тўпга ета олмади, дарвозабонимиз эса умуман ғалати жойни танлади.

– Жасур Жалолиддинов нега кўринмай қўйди? Бугун ҳам қайдномада йўқ эди.

– У яқинда терма жамоа сафида ўйнаб қайтди, ўзини дунёнинг энг яхшилари орасига киритилганини ўқибди. Кеча унинг ёшлар жамоамиздаги ўйинини кузатдим. Яқинда U-19 Осиё чемпионати саралаши бўлади шу жамоага ёрдам бериши керак.

– Телефонингиз?

– Кўрдингизми? Ютқаздик, ҳеч ким қўнғироқ қилмади (кулади). (PS: Ҳар гал матбуот анжуманида Вадим Абрамовнинг телефони жиринглаб қоларди)

Манба: www.stadion.uz.
Киритилди: 21:33, 18.10.2019.
Ўқилди: 6902 марта.
Фикрлар: 2 та.

Бўлимга тегишли қизиқарли хабарлар

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.