Кириш Регистрация
28/03 19:00 Динамо 2-1 Металлург
29/03 19:00 ОКМК - Бунёдкор
29/03 19:15 Қизилқум - Локомотив
30/03 01:00 Лилль - Ланс
30/03 01:00 Кадис - Гранада
30/03 16:30 Наполи - Аталанта
30/03 17:30 Ньюкасл - Вест Хэм
30/03 18:00 Хетафе - Севилья
30/03 19:00 Женоа - Фрозиноне
30/03 19:00 Торино - Монца
30/03 19:00 Андижон - Насаф
30/03 19:00 Пахтакор - Сўғдиёна
30/03 20:00 Ноттингем Форест - Кристал Пэлас
30/03 20:00 Шеффилд Юнайтед - Фулхэм
30/03 20:00 Тоттенхэм - Лутон
30/03 20:00 Борнмут - Эвертон
30/03 20:00 Челси - Бёрнли
30/03 20:15 Альмерия - Осасуна
30/03 21:00 Метц - Монако
30/03 22:00 Лацио - Ювентус
30/03 22:30 Астон Вилла - Вулверхэмптон
30/03 22:30 Валенсия - Мальорка

Жуда эрта дебют қилган юлдузлар

Баҳо:
+ | -

Яқиндагина «Барселона» жамоасида 16 ёшида дебют учрашувини ўтказган Ансу Фати бир зумда машхурликка эришди десак, адашамган бўламиз. Ўспирин жуда эрта дебют қилган бўлсада, ўзини йўқотиб қўймади ва бир нечта учршувлар орқали нималарга қодир эканлигини барчага кўрсатиб қўйди. Афсуски, кўпинча эрта дебют қилган футболчиларнинг фаолияти ҳамма кутганидек кўриниш олмайди. Шунга қарамай, баъзи супер юлдузлар учун бундай эрта дебют қилиш ортиқча қийинчиликлар туғдирмаган. Бугун ана шундай футболчилар ҳақида сўз боради.

Киллиан Мбаппе

Ўзининг 20 ёшидаёқ дунёнинг энг қиммат футболчисига айланган французнинг дебют учрашуви эрта амалга ошгани табиий хол. Ўзининг илк учрашини ўтказганида футболчи атиги 16 ёш 11 ойлик бўлган бўлсада, ўтган 4 йил мобайнида жоҳон чемпионатида ғолиб чиқишга ва ПСЖ клубининг етакчисига айланишига кифоя қилди. Агарда ПСЖ футболчини сотишга қарор қилса, бу янги жаҳон рекордига айланиши турган гап. Мбаппе илк бор 2015-йилнинг 2-декабрь санасида майдонга тушган ва барчани ҳайратда қолдирган эди. Орадан бир йил ўтиб футболчи Жардим бошчилигидаги «Монако»нинг асосий юлдузига айланди ва бутун дунёга танилди.

Эден Азар

Бундан 10 йил илгари Бельгия терма жамоаси сардори Франциянинг «Лилл» жамоасининг юлдузига айланиб улгурган эди. Эден Лига 1 да 2007-йилнинг ноябрь ойида илк бор майдонга тушганига ишониш қийин. Ўзининг илк учрашувида 12 дақиқа тўп сурган футблчи айтарли кўзга ташланмаган бўлсада, унда потенциал бор эканлигини барча чуқур ҳис этиб турар эди. 16 ёшу 10 ойлик футболчи ўзининг илк учрашувида мағлубиятга учраган бўлсада, кейинчалик клуби учун кўплаб совринларни ютиб беришда фаол иштирок этди.

Уэйн Руни

Кўпинча мураббийлар ўспирин ёшдаги футболчиларни ўйин атмосферасини ҳис этишлари учун 3 ёки 5 дақиқагагина майдонга тушуришади. Уэйн Руни эса, бундан мустасно. Футболчи ўзининг дебют учрашувини асосий таркибда бошлаган учрашувда «Эвертон» ўз уйида «Тоттенҳем»ни қабул қилган ва бу 2002/2003-йилги мавсумнинг биринчи учрашуви эди. Ўша учрашувда иштирок этганида Руни эндигина 16 ёшу 9 ойлик эди. Ўзининг биринчи ўйинидаёқ «Эвертон» мухлисларининг эътиборини қозонган қаҳрамонимиз орадан 2 йил ўтиб «Манчестер Юнайтед» сафига бориб қўшилди ва «қизил иблислар»нинг афсонавий футболчисига айланди.

Франческо Тотти

1993-йилнинг март ойида илк бор «Рома» таркибида майдонга тушган ўспирин келажакда «Римнинг императори»га айланишини ким ўйлабди дейсиз? 16 ёшу 6 ойлигида илк бор «Рома» либосини кийган Тотти фаолиятининг сўнггига қадар ушбу либосни бошқа клубнинкига алмаштирмади. Ўша учрашувда «Рома» 2 : 0 ҳисобида «Брешия» устидан ғалаба қозонган бўлса, Тотти катта футболга озининг илк қадамини ташлагани билан ёдда қолди.

Андеа Пирло

Бугунги рўйхатимиздаги яна бир Италиялик футболчи ҳақида алоҳида тўхталиб ўтиш лозим. Пирло ўзининг 16 ёшидан 2 кун ўтибгина ўзининг дебют учрашувини ўтказган Пирло «Брешия» жамоасининг келажакдаги етакчиси бўлишига барча амин бўлган эди. Гап шундаки, Пирло ўша учрашувда қисқа вақт ичида узоқ масофага бир нечта аниқ пасларн етказиб беришга муваффақ бўлган ва ўзининг нималарга қодир эканлигини ўша даврлардаги устози Мирко Луческуга кўрсатиб қўйган эди. Ёрқин дебютдан сўнг, футболчи заҳирадан майдонга туша бошлайди ва мавсум сўнггида клуб мухлисларининг ёқимтойига айланади. Пирло орадан йиллар ўтиб Италиянинг энг машхур футболчиларидан бирига айланди. Қўлга киритиш мумкин бўлган деярли барча совринларни боши узра кўтарди.

Манба: Stadion.uz
Киритилди: 22:44, 18.10.2019.
Ўқилди: 3551 марта.
Фикрлар: 1 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.