«Барселона» ҳужумчиси Лионель Месси жамоа билан шартномани узайтириши мумкинлиги ҳақида ўз фикрини билдириб ўтди.
«Биз шартномани муҳокама қилдик. Шартнома мени боғлаб қўйишини истамасдим. Боиси, қачонгача ўзимни бахтли ҳис қилишимни билмайман. Агар юқори формада бўлмасам ҳам шартнома амалда бўлишини истамайман.
Жисмоний жиҳатдан ўзимни яхши ҳис қилар эканман, ўйнашда давом этаман. Лекин, назаримда, фаолиятимнинг охиригача «Барса»да қолсам керак», – деди Месси.
Аввалроқ «Барселона» раҳбарияти Мессига 10 йиллик шартнома таклиф қилаётгани, бунинг ичига футболчилик фаолиятини якунлаганидан кейин клуб тизимида ишлаш таклифи ҳам кириши ҳақида хабар тарқатилган эди.