Куни кеча Италиянинг «Фоотбалл италиа» нашри «Ювентус» клуби ҳужумчиси Криштияну Роналдунинг Месси томонидан қўлга киритилган «олтин бутса» соврини ҳақида билдирган фикрларини эълон қилди. Биз уни сайтимиз ўқувчилари учун илиндик.

Роналду:

Месси ҳудди мен каби узоқ йиллардан бери юқори даражадаги футбол намойиш этиб келмоқда. «Барселона» жамоаси сўнгги йилларда эришган барча ютуқларида Леонинг ҳизматлар катта. Дарҳақиқат, у ўз клуби учун жуда катта ҳажмдаги ишни амалга оширмоқда ва буни эътиборга олмасликнинг иложи йўқ. Агарда Месси бўлмаганида, ҳозирги кунга келиб «Барселона» кўплаб совринларни қўлдан бой берган бўлар эди. Унинг «олтин бутса»ни қўлга киритгани билан табриклайман.

Бу унинг учун биринчиси бўлмасада, ушбу совринни қўлга киритиш учун сарфланган меҳнатни қадрламасликнинг иложи йўқ. Бу ажойиб натижа ва барча футболчилар ҳам ушбу совринга эга чиққа олмайди. «Олтин тўп»? Тўғриси, бу ҳақида ўйламай ҳам қўйдим. Бундан аввал ҳам айтганимдек, мен учун эндиликда энг муҳими жамоавий қўлга киритиладиган совринлар. Ўз фаолиятим давомида қачонлардир шахсий ютуқлар ҳақида ўйлаган бўлишим мумкин, бироқ энди барчаси ўзгарди.

Ҳозирда биз жамоавий футбол ўйнаяпмиз ва бундай ўйин услубида барча меҳнат қилиши лозим. Агарда «Олтин тўп»ни менга топширишса, бунга ўзимни тўлиқ ҳақли деб ҳисоблайман.