Kuni kecha Italiyaning «Football italia» nashri «Yuventus» klubi hujumchisi Krishtiyanu Ronalduning Messi tomonidan qo‘lga kiritilgan «oltin butsa» sovrini haqida bildirgan fikrlarini e’lon qildi. Biz uni saytimiz o‘quvchilari uchun ilindik.
Ronaldu:
Messi huddi men kabi uzoq yillardan beri yuqori darajadagi futbol namoyish etib kelmoqda. «Barselona» jamoasi so‘nggi yillarda erishgan barcha yutuqlarida Leoning hizmatlar katta. Darhaqiqat, u o‘z klubi uchun juda katta hajmdagi ishni amalga oshirmoqda va buni e’tiborga olmaslikning iloji yo‘q. Agarda Messi bo‘lmaganida, hozirgi kunga kelib «Barselona» ko‘plab sovrinlarni qo‘ldan boy bergan bo‘lar edi. Uning «oltin butsa»ni qo‘lga kiritgani bilan tabriklayman.
Bu uning uchun birinchisi bo‘lmasada, ushbu sovrinni qo‘lga kiritish uchun sarflangan mehnatni qadrlamaslikning iloji yo‘q. Bu ajoyib natija va barcha futbolchilar ham ushbu sovringa ega chiqqa olmaydi. «Oltin to‘p»? To‘g‘risi, bu haqida o‘ylamay ham qo‘ydim. Bundan avval ham aytganimdek, men uchun endilikda eng muhimi jamoaviy qo‘lga kiritiladigan sovrinlar. O‘z faoliyatim davomida qachonlardir shaxsiy yutuqlar haqida o‘ylagan bo‘lishim mumkin, biroq endi barchasi o‘zgardi.
Hozirda biz jamoaviy futbol o‘ynayapmiz va bunday o‘yin uslubida barcha mehnat qilishi lozim. Agarda «Oltin to‘p»ni menga topshirishsa, bunga o‘zimni to‘liq haqli deb hisoblayman.
