«Славия» бош мураббийи Индржих Трпишовски «Барселона»га қарши бўлиб ўтган Европа чемпионлар лигаси баҳси олдидан ўз фикрларини билдириб ўтди. Эслатиб ўтамиз, 2011 йилда Чехиянинг бошқа бир жамоаси — "Виктория Пльзень" каталонияликларга қарши ўйнаган эди.

«Ўшанда чипта топа олмаганим учун ўйинни телевизор орқали томоша қилган эдим. Эртанги ўйин учун менда битта чипта бор. Омадим келди.

Футбол олами Мессини ҳамиша эслаб юради. Жаҳондаги энг яхши ўйинчилардан бири. У ўз номини футболи тарихига абадийлаштириб қўйди.

Гвардиола давридаги Хави ва бошқаларга қарши қандай ўйнаш мумкинлиги ҳақидаги саволни мен ҳамиша ўз олдимга қўйиб келганман.

Бундай ўйинда иштирок этиш мен учун катта фахр. «Барселона» ўйинчилари – буюк ижодкорлар. Бир кун келиб бундай ўйинда қатнашаман деб ўйламаган эдим», – деди Трпишовски.