"Манчестер Юнайтед" дарвозабони Давид Де Хеа ва ярим ҳимоячи Поль Погба катта эҳтимол билан Европа Лигаси гуруҳ босқичи 3-турида "Партизан" билан ўйинда майдонга тушмайди.
Иккала футболчи ҳам "Манчестер Юнайтед"нинг бугунги машғулотларини ўтказиб юборишди.
Франциялик футболчи жароҳати туфайли 30 сентябрдан буён ўйинлардан четда қолмоқда.
Ўтган якшанба куни "Ливерпуль" билан ўйинда испаниялик дарвозабоннинг иштироки сўроқ остида эди, у тикланишга муваффақ бўлди ва майдонга тушди.
Шунингдек, Неманя Матич, Люк Шоу, Диогу Далот ва Аксель Туанзебе "МЮ"нинг бугунги машғулотларини ўтказиб юборишди.
Эслатиб ўтамиз "Партизан" ва "Манчестер Юнайтед" ўртасидаги учрашув 24 октябрь пайшанба куни бўлиб ўтади.
