Мадриднинг “Реал” клуби ярим ҳимоячиси Иско қишки трансфер бозорида АПЛга кўчиб ўтиши мумкин.
Испаниялик ҳамкасбларимизнинг ёзишича, 27 ёшли испаниялик футболчига Лондоннинг «Арсенал» ва «Манчестер Сити» клублари қизиқишмоқда.
“Шаҳарликлар” бош мураббийи Хосеп Гвардиола Искони Давид Сильвага ўринбосар сифатида кўрмоқда.
Айтилишича, «Реал» клуби бош мураббийи Зинедин Зидан Иско билан хайрлашиш ниятида эмас. Бироқ, молиявий тарафдан яхши таклиф бўлса клуб буни кўриб чиқишга қарши эмас.