Испания Ла Лигаси «Барселона» — «Реал» баҳсининг 18 декабрга белгиланганига норози бўлмоқда. Бу ҳақда As нашри хабар тарқатди.
"Эл-класико"ни ушбу санага Испания футбол федерацияси белгилаган эди. Лига раҳбарияти эса судга мурожаат қилиб, ушбу қарорнинг бекор қилинишига эришмоқчи.
Ла лига фикрича, "класико" 4 декабрь куни ўтказилса, тижорий томондан кўпроқ фойда келтиради ва 18 декабрь куни бўладиган Испания кубоги ўйинларининг мавқеига таъсир қилмайди. Шунинг учун Ла лига Испания спорт қўмитасига апелляция киритмоқчи.
Эслатиб ўтамиз, Испания Олий суди томонидан Каталония мамлакати раҳбарларига нисбатан чиқарилган қарор юзасидан норозилик акцияси бўлиб ўтаётгани боис, хавфсизлик нуқтаи назаридан, 26 октябрь куни ўтказилиши керак бўлган "эл-класико" кейинроққа қолдирилган эди.