«Наполи» клуби афсонаси Диего Марадона Дрис Мертенс гол киритиш борасида уни ортда қолдирганли ҳақида ўз фикрлари билан ўртоқлашди.
Бельгиялик футболчи Чемпионлар Лигаси доирасида «Зальцбург» (3:2) дарвозасига ўзининг 116-голини киритди. Аргентиналик футбол афсонаси ҳисобида эса 115 та гол бор. Ушбу рўйхатни Марек Гамшик 121 та гол билан бошқариб турибди.
— Бу мени жаҳлимни чиқармади. Ҳақиқатдан ҳам мен Мертенсни олқишлади. У гол урган пайтда мен ўзимни эмас, «Наполи» ҳақида ўйладим. Мен жамоанинг ҳар бир ўйинини кузатаман, айниқса ЕЧЛдаги ўйинларини. «Зальцбург» клубига қарши учрашув ажойиб ўтди.
Мертенс ҳужумчи бўлиб туғилган. Уни «Наполи»дан кетмаслиги учун нимадир қилиш керак. Тўғри, профессионал футболчи ўзи учун яхши маош излайди, бироқ, у борган жойда эски жамоаси каби севимли, ёқимтой футболчи бўлмайди.
Шунинг учун, ҳурматли Президент, унинг кетишига йўл қўйманг. Биламан унинг ёши 30га яқинлашиб қолди, бироқ у югуряпти, ўйнаяпти ва асосийси гол уряпти. Агар у ҳақиқатдан ҳам кетса, у учун менинг жамоамда ҳамиша жой топилади, бу ҳақда Мертенс билиши шарт!, — деди Марадона.