Россия чемпионати 14-туридан ўрин олган «Ростов» — «Сочи» ўйинидан сўнг ҳар икки жамоа бош мураббийлари иштирокида матбуот анжумани ўтказилди. Унда қатнашган «Ростов» мураббийи Валерий Карпин ўз фикрларини билдирди.

«Поповни сариқ карточка учун ҳали урушганим йўқ, ахир бугун унинг туғилган куни. Ерёменко Шомуродовни тўпурарлар пойгасида ортда қолдира оладими? Менимча, ҳа.

Биринчи бўлимда яхшироқ ўйнадик, иккинчи бўлимда эса кўп вазият ярата олмадик. Биринчи бўлимда кўп вазиятлардан гол уришимиз керак эди. Йигитлар «Зенит»га қарши ўйиндан сўнг бугунги баҳсни эҳтирос билан бошлашди. Иккинчи бўлимда эса ўша эҳтирос кўринмади.

«Зенит»га қарши ўйиндаги мағлубиятдан сўнг футболчиларнинг бугунги ўйинга муносабатидан хурсанд бўлдим. Бундай мағлубиятдан сўнг қанақасига бўлса ҳам ғалаба қозонишимиз керак эди. Руҳий жиҳатдан ҳам қийин ҳолатдан ҳам чиқиб кетганимиздан хурсанд бўлдим.

«Спартак»га қарши кубок ўйинида ротация қилишимиз мумкин. «Зенит»га қарши ўйиндан кейин Бабурин яна ўйнади? У бугун бежизга таркибга киритилмаганини майдонда исботлади. Гол ўтказиб юбориш дарвозабонлар учун янгилик эмас, шу боис Бабурин ўзига келишга қийналгани йўқ.

«Зенит»га учралган мағлубиятдан сўнг футболчилар осмонга учишни бас қилиб, ерга тушишди. Ўз вақтида ерга тушганимиздан хурсандман. Бунақаси қайта бўлмаслигига умид қиламан»,— деб Карпиннинг сўзларини келтирмоқда Kun.uz мухбири.