«Норвич»нинг нидерландиялик дарвозабони Тим Крул АПЛ тарихига кирди. 31 ёшли дарвозабон АПЛ 10-туридан ўрин олган «МЮ»га қарши ўйинда ўз дарвозасидан 3 та гол ўтказиб юборган бўлса-да, рақибнинг иккита пенальтисини қайтаришга маваффақ бўлди.
29-дақиқада Маркус Рэшфорд, 44-дақиқада Антони Марсьяль пенальтидан Крул дарвозасига гол ура олмади. Крул бир ўйинда иккита пенальти қайтарган АПЛ тарихидаги 8-дарвозабон бўлди. Унгача бу натижани Марк Боснич, Павел Срничек, Эдвин ван дер Сар, Юрэд Фридель, Юсси Яскелайнен, Эурелио Гомес ва Мартен Стекеленбург каби дарвозабонлар уддалаганди.
