Лондоннинг "Арсенал" клуби бош мураббийи Унаи Эмери АПЛнинг 10-тур доирасида "Кристал Пэлас" (2:2) жамоасига қарши бўлиб ўтган учрашувдан кейин фикр билдирди.
"Мен VARнинг қарорини тушунмадим. Ўтган ҳафтада ҳакамлар бизга ишлатилган фоллар учун видеони қайта кўриб чиқишмаганди. Биламан, биз уларни қарорларини ҳурмат қилишимиз керак. Икки ҳафта олдин "Борнмут"га қарши учрашувда Пепега нисбатан қўполлик қилинган ва пенальти берилмаганди, лекин видеотакрорни ишга солишмаганди. Бугун эса тамоман бошқача қарорлар қабул қилишди. Ғалабага лойиқ ўйин намойиш этдик. Рақиб ҳисобни тенглаштирганда жамоам маъсулиятни ҳис қилди. Мухлислар учинчи голни киритишга ёрдам беришди, бироқ, бу амалга ошмади", - деди Эмери ВВС билан суҳбатда.