Англиянинг «Манчестер Юнайтед» клуби бош мураббийи Оле Гуннар Сульшер ярим ҳимоячи Поль Погбанинг қачон майдонга қайтиши ҳақида хабар берди.
26 ёшли франциялик ярим ҳимоячи жароҳати сабабли «МЮ»га30 сентябрдан бери ёрдам бера олмаяпти.
— Ўйлайманки, Погбани декабрь ойигача майдонда кўрамиз. Тўлиқ тикланиб олиши учун унга вақт керак. Балки, ноябрь ойида охирида «Шеффилд Юнайтед» клубига қарши майдонга тушар. Катта эҳтимол билан унинг майдонга қайтиши декабрь ойида юз берса керак, — деди «МЮ» бош мураббийи.