29 октябрь куни Cocа-cola Суперлигаси 23-турига старт берилади.
“Насаф” Cocа-cola Суперлигаси 23-турида Наманганда “Навбаҳор” жамоаси меҳмони бўлади.
“Навбаҳор” – “Насаф” учрашуви 31 октябрь пайшанба куни Наманган шаҳридаги “Марказий” ўйингоҳида бўлиб ўтади. Учрашув соат 18:00да бошланади.
Ўзаро учрашувлар тарихидан
Мазкур жамоалар Ўзбекистон чемпионатида шу кунгача 45 бор куч синашишган. Натижалар “аждарларнинг” устунлигини кўрсатмоқда. Бўлиб ўтган 22 учрашувда “Насаф”, 12 ўйинда эса “Навбаҳор” ғалабага эришган. 11 учрашувда томонлар муроса кўчасини танлашган.
Тўплар нисбати 76:62 га тенг. Устунлик “Насаф” тарафида.
Ўзаро учрашувларда қайд этилган энг юқори ҳисоблар қуйидагича: “Насаф” – “Навбаҳор” 6:0, “Навбаҳор” – “Насаф” 6:0.
Жамоамиз сўнгги ўзаро учрашувни шу йилнинг 12 апрель куни Қаршида ўтказган. Бу учрашув 0:1 ҳисобида якунланган.
Намангандаги ўзаро баҳсларга оид
Ушбу жамоалар шу пайтгача Наманганда 22 бор куч синашишган. 9 учрашувда майдон эгалари ғалаба қозонишган. 9 учрашувда дуранг қайд этилган ва 4 учрашувда вакилларимиз ғалаба қозонишган. Дарвозаларга жами 66 та тўп киритилган. Тўплар нисбати 42:24.
Эътиборингизга, Наманганда бўлиб ўтган сўнгги беш учрашувнинг натижаларини ҳавола қиламиз.
28. 04. 2016 Навбаҳор – Насаф 0: 0
12. 03. 2015 Навбаҳор – Насаф 1: 0
01. 10. 2014 Навбаҳор – Насаф 2:2
22. 04. 2012 Навбаҳор – Насаф 1: 1
06. 03. 2011 Навбаҳор – Насаф 1: 0
