beIN Sports ва CNN журналисти Танкреди Палмери аввалроқ "Олтин тўп" ғолибини эълон қилган Corriere dello Sport ва Il Messaggero нашрларининг хабарларини рад этди.
Италия нашрларининг хабарига кўра, 2019 йил якунларига кўра мукофот "Ювентус" ҳужумчиси Криштиану Роналдога берилади.
Уларнинг сўзларига кўра, France Football журнали вакиллари Туринда бўлиб, у ерда "Ювентус" футболчиси билан учрашишган. Нашрлар португалиялик футболчидан интервью олишга келишган (тақдирлаш маросимидан сўнг дарҳол эълон қилинади).
Ўз навбатида Палмери твиттер саҳифасида "Олтин тўп"га даъвогарлар учун овоз бериш фақат 8-ноябрда якунланишини билдирди.
Бироз аввал, у France Football аллақачон "Олтин тўп" билан ҳеч қандай алоқаси бўлмаган ўзининг янги сонида Роналду билан интервьюни эълон қилганини ёзди.
Маълумот учун, "Олтин тўп"ни топшириш маросими 2 декабр куни Парижда бўлиб ўтади
