«Ювентус» бош мураббийи Маурицио Сарри видеоёрдамчи ҳакам тизими (VAR) ҳақида ўз фикрини билдириб ўтди.
«VAR ҳақида тўхталадиган бўлсам, мен ўйинни фақат майдондаги ҳакамлар бошқаришини истайман. Бу менинг ўта шахсий фикрим, бу ҳақда кўп ўйладим.
Агар мендан бу тизим ёқадими ёки йўқми, едб сўрасангиз, мен йўқ дейман. Қоидалар шундай, аммо барчасини умумлаштириб бўлмайди, жумладан, тўпни қўл билан ўйнаш қоидабузарлигини: бизга янги қоидаларни тушунтириб берган бўлсалар-да, мен ҳеч нарсага тушунмадим.
Лекин мослашишимиз керак. Менга VAR ёқмайди, яққол хатоларни тўғрилаш учун бу тизимни ўйлаб топишган. Италия билан таққослаганда, Европада бу тизимдан анча чекланган ҳолатда фойдаланишмоқда. Хорижда VARдан бошқача фойдаланишмоқда», – деди Сарри.