Франция чемпионатининг 12-тури доирасида "Дижон" майдонига сафар уюштириб, имкониятни бой бериб қўйди.

Учрашувнинг 19-дақиқасида Ди Мариянинг узатмасидан кейин Мбаппе дарвозабон билан яккама-якка вазиятга чиқиб кетди ва дарвозани ишғол қилди. Биринчи бўлимга қўшиб берилган 6 дақиқада эса майдон эгалари ҳисобни тенглаштиришди. Ён томондан етказиб берилган узатмани Навас қайтарди. Шуйар эса қайтган тўпни дарвозага йўллади.

Иккинчи тайм дебютида "Дижон" иккинчи голни уришга муваффақ бўлди. Кадис 3 ҳимоячини алдаб, жарима майдонига кириб борди ва дарвозабоннинг оёқлари орасидан тўпни дарвозага жойлаб қўйди.

Қолган дақиқаларда парижликлар кўплаб хавфли вазиятлар яратишди. Икардининг ўзи 3 марта рақиб дарвозасини ишғол қилиши мумкин эди, унинг битта зарбаси тўсинга теккан бўлса, иккита зарбага аниқлик етишмади. Шунингдек, Парадис берган зарбадан кейин тўп устунга тегди. Ди Мария ҳам қулай вазиятни кўкка совурди.

Бу "ПСЖ" учун мавсумдаги учинчи мағлуб бўлди. Шунга қарамай, Тухель жамоаси 27 очко билан якка пешқадам бўлиб турибди. "Дижон" ушбу ўз очколарини 12тага етказиб, сўнгги ўринни тарк этди.

Франция чемпионати, 12-тур
"Дижон" - ПСЖ 2:1
Голлар: Мбаппе, 19 - 0:1, Шуйар, 45+6 - 1:1, Кадис, 47 - 2:1
"Дижон": Гомис, Кулибали (Амальфитано, 29), Шафик (Мендиль, 33), Манга, Лотоа, Балде (Мавидиди, 54), Ндонг, Шуйар, Музинга, Тавареш, Кадис.
ПСЖ: Навас, Бернат (Курзава, 64), Кимпембе, Дагба, Маркиньос, Паредес (Кавани, 72), Гуйе, Ди Мария, Диалло (Дракслер, 81), Мбаппе, Икарди.
Огоҳлантиришлар: Ндонг (12), Кадис (14), Кимпембе (15), Мендиль (58).