«ПСЖ» клуби бош мураббийи Томас Тухель Франция чемпионатининг 12-турида «Дижон» (1:2) клубидан учралган мағлубияти ҳақида гапириб ўтди.

— Биз ҳам бу учрашувда ғалаба қозонишимиз мумкин эди, лекин асосий таркибнинг 6 нафар футболчиси бугун майдонга тушмади. Франция чемпионатида гол уриш осонлиги, ғалаба қозониш қийинмаслигини ҳамма гапиради. Бироқ, Франция чемпионати ҳам кучли, чемпионатда кучли клублар бор, бизни мағлуб этадиган жамоалар топилади, — деди Тухель.

— Бизга аниқлик етишмади. Жамоавий ўйинни қўллай олмадик, ўйин режамиз бузилиб кетди. Бизга омад ҳам етишмади. «Дижон» клубига эса омад кулиб боқди, улар йўқ жойдан иккита гол уришга эришди.