Испания чемпионатининг 12-туридан ўрин олган “Реал Мадрид” ҳамда “Бетис” жамоалари ўртасидаги ўйинда дуранг қайд этилди.

Баҳснинг 8-дақиқада мезбонлар ҳисобни очишган эди. Аммо рақиб дарвозасини ишғол қилган Эден Азар кичик офсайд ҳолатида бўлган экан. Шу боис, ҳакам VAR ёрдамида бу голни бекор қилди.

Учрашувнинг қолган дақиқаларда ҳимоячилар ишончли ўйнашга ҳаракат қилишди. Мудофаа вакиллари ўтказиб юборган ҳужумларни "Бетис" посбони Роблес қайтариб турди. Айниқса, Бензема, Модрич ва Винисиус томонидан йўлланган зарбаларни посбон маҳорат билан бартараф этди. Шунингдек, Менди яккама-якка вазиятда дарвозани ишғол эта олмади.

Ўйиннинг сўнгги дақиқаларда мадридликлар гол уриш учун 2та қулай имкониятга эга бўлишди. Аммо омад кулиб боқмади.

Шу тариқа, "Реал" ушбу 1 очко туфайли ўз очколарини 22тага етказди ва "Барселона" билан тенглашиб олди. "Бетис" эса 13 очко 14-ўринни эгаллаб турибди.

Испания чемпионати, 12-тур.
Реал Мадрид – Бетис 0:0 (0:0, 0:0)
Реал Мадрид – Куртуа, Карвахаль, Варан, Рамос, Менди, Кроос, Каземиро, Модрич, Родриго (Винисиус Жуниор, 65), Бензема (Йович, 83), Азар.
Бетис – Роблес, Эмерсон, Манди, Феддаль, Сидней, Морено (Барраган, 90), Гуардадо, Бартра, Каналес, Фекир (Гутьеррес, 90), Морон (Иглесиас, 74).
Огоҳлантиришлар: Бартра (11), Каземиро (39), Роблес (64), Феддаль (74), Менди (80), Гуардадо (85).