"Барселона" бош мураббийи Эрнесто Вальверде Испания чемпионатининг 12-тури доирасида бўлиб ўтган "Леванте"га қарши ўйин (1:3) борасида ўз фикрларини билдириб ўтди.
"Дастлабки сафар ўйинидаги муваффақиятсизликдан кейин меҳмондаги учрашувларда ғалаба қозониб келаётган эдик. Олдинга ҳаракат қилишимиз керак. Биз бугун мағлуб бўлдик ва буни ўзгартириб бўлмайди. Аммо биз бу ўйинни батафсил таҳлил қилишимиз керак.
Танаффусдан кейин ёмон ўйнадик. Деярли голли вазиятга эга бўлмадик. Рақиб ҳам кўп вазият яратмади, аммо улар икки дақиқа ичида иккита гол уришга муваффақ бўлди. Учинчи гол бизга кучли таъсир кўрсатди.
Истеъфо? Бундан хавотир олаётганим йўқ. Фақат олдинга интилишни истайман", - деди Вальверде.