Россия чемпионатининг 15-тури доирасида «Краснодар» ўз майдонида «Ростов»ни қабул қилди.

Учрашувнинг 34-дақиқасида Карпин шогирдлари ҳисобни очишди. Шомуродов рақиб жарима майдони остонасида тўпни қабул қилди ва товони билан узатма бериб, Ионовни зарбавор вазиятга чиқди. Алексей аниқ зарба билан дарвоза бурчагини ишғол этди.

Орадан 7 дақиқа ўтиб Ионовнинг ўзи яна бир имкониятдан самарали фойдаланиб, ҳисобдаги фарқни оширди.

Мазкур натижа иккинчи бўлимга қўшиб берилган дақиқаларга қадар сақланиб турди. Қўшиб берилган дақиқаларнинг 2-дақиқасида "Краснодар" биринчи голини уришга муваффақ бўлди. Бундан руҳланган мезбонлар 90+5-дақиқада ҳисобни тенглаштирувчи голни меҳмонлар дарвозасига йўллашди.

Шу тариқа, "Ростов" аламли тарзда ғалабани қўлдан чиқарди. Шунга қарамай, Карпин жамоаси 30 очко билан жадвалда 2-ўринни эгаллаб турибди. Улар пешқадам "Зенит"дан 3 очко ортда боришмоқда.

Россия премьер-лигаси, 15-тур
Краснодар – Ростов 2:2 (0:2, 2:0)
Голлар: 0:1 – 34 Ионов, 0:2 – 41 Ионов, 1:2 – 90 Игнатьев, 2:2 – 90 Спайич.
Краснодар – Сафонов, Мартынович, Рамирес, Петров, Спайич, Ольссон (Уткин, 46), Вильена, Фернандеш (Намли, 72), Сулейманов, Ари, Берг (Игнатьев, 75).
Ростов – Бабурин, Козлов, Чистяков, Чернов, Хаджикадунич, Попов (Зайнутдинов, 68), Глебов (Сигурдссон, 86), Ионов, Еременко, Байрамян (Саплинов, 79), Шомуродов.
Огоҳлантиришлар: Попов (53), Еременко (57), Чистяков (63), Зайнутдинов (77).