Италиянинг «Брешия» клуби ҳужумчиси Марио Балотелли «Верона» клубига қарши бўлиб ўтган учрашув мобайнидани воқеа ҳақида фикр билдирди.

Эслатиб ўтамиз, Болетелли учрашувнинг 9-дақиқасидаёқ ирқчилик руҳидаги ҳақоратлар сабаб майдонни тарк этмоқчи бўлди.

«Жамоадошларим майдонда мени қўллаб–қувватлашгани учун уларга миннатдорчилик билдираман. Чин кўнгилдан раҳмат айтаман. Сизлар ҳақиқий инсон эканликларингизни исботладингиз», – деб ёзади Балотелли ўзининг “Инстаграм”даги расмий саҳифасида.

Шунингдек, уни ҳақорат қилганлар ҳақида ҳам ўз фикрларини ёзиб қолдирди:

«Фан-клуб трибунасида ўтириб мени ҳақорат қилган “одамлар”, сизлар ўзларингни ўзларинг шарманда қилдинглар! Ўз фарзандларингиз, аёлингиз, ота-онангиз ва дўстларингизни олдида шармандалик!», - қўшимча қилди Балотелли.