Италиянинг "Наполи" клуби бош мураббийи Карло Анчелотти ЕЧЛ доирасида "Зальцбург" клубига қарши бўлиб ўтадиган учрашув ҳақидаги фикрлари билан ўртоқлашди.
"Эртанги учрашув катта аҳамият касб этади. Биз ЕЧЛнинг плей-офф босқичига чиқишни хоҳлаймиз. Яхши ўйин намойиш этиш учун бор кучимизни ишга соламиз, қолгани муҳим эмас. Эҳтимол, сўнгги учрашувларда барқарорликни йўқотгандирмиз, қандайдир вазиятларда ўйин ташаббусини рақибга бериб қўйгандирмиз. ЕЧЛда доим майда нарсалар муҳим ўрин тутади.Баъзан жорий мавсумда ажойиб ўйин ўтказдик, аммо, барқарорлик етишмади ва барқарорлик сабаб кўп бора жазоландик, айниқса А Серияда", - Анчелоттининг сўзларидан иқтибос келтирмоқда УЕФА расмий сайти.