Лондоннинг «Челси» клуби ҳимоячиси Сесар Аспиликуэта «Аякс»(4:4) клубига қарши бўлиб ўтган учрашув ҳақидаги фикрлари билан ўртоқлашди.

— Мен бир нечта “камбэк”ларда иштирок этганман, лекин бугунгиси даҳшатли бўлди. Биз уч очко учун майдонга тушгандик, аммо, якунда бир очкони қўлга киритдик. Жамоамиз 1:4 ҳисобида ортда бораётиб, якунда ҳисобни тенглаштириб олишимиз ўйлайманки яхши натижа. Биз исталган турнирларда муваффақиятли тўп сураётган жамоага қарши ўйнадик. Рақиб 9 киши қолганида ўйин ташаббусини ўзимиз томон оғдириб олдик, ғалаба учун ҳаракат қилдик, аммо бу амалга ошмади. Кейинги босқичга чиқишимиз учун олдимизда турган иккита ўйинда ғалаба қозонишизим шарт, — деди Аспиликуэта.