Кипрнинг АПОЕЛ клуб бош мураббийи Томас Долль "Қорабоғ" (2:1) жамоаси устидан қозонилган ғалаба ҳақидаги фикрлари билан ўртоқлашди.
"Бугун ўтказиб юборилган голдан кейин руҳан тушкунликка тушиб қолмасдан кураш олиб борган шогирдларим учун хурсандман. Ўтказиб юборилган голдан кейин руҳан синиб қолмадик ва ҳисобни тенглаштиришда ўзимизда куч топа олдик. Ҳа, бугунги ўйинимиз жозибадор кўриниш олмагандир, лекин келинг яхши нарсалар ҳақида гаплашамиз. Ўйин қийин бўлди, йигитлар ўз иродаларини намойиш эта олишди ва якунда ҳақли ғалабага эришдик. Асосийси мақсадимизга эришдик. Танаффус самарали бўлди. Биринчи бўлимдаги ўйин учун футболчилар кийиниш хонасида узр сўрашди, ҳеч ким жавобгарлик қочмади", - деди Долль УЕФА расмий сайтига.