Лондоннинг «Тоттенхэм» клуби бош мураббийи Маурисио Почеттино жамоанинг АПЛдаги омадсиз старти ҳақида гапириб ўтди.
— Биз ҳали ҳам кучли тўртликка киришга имкониятимиз бор, бироқ бу учун маълум вақт талаб қилинади. Турнир жадвалининг бугунги ҳолати беш йил аввалги хотирамни эслатмоқда (2014 йилнинг 2 октябрь куни «Тоттенхэм» 14-ўринда эди — муаллифи), ўшанда ҳам турнир жадвалининг ўрта қисмидан жой олгандик.
— Вазиятни тўғрилашимиз учун тўғри баланс топишимиз керак, бироқ, бу катта меҳнатни талаб қилади ва буни сунъий равишда оширишни имконияти йўқ. Биз хотиржамликни сақлаган ҳолда, машғулотларда катта куч билан меҳнат қиляпмиз. Бу турнир жадвалидаги вазиятимизни тўғрилашни энг осон йўли” деди Поччетино.