«Барселона» ҳужумчиси Лионель Месси камида 2021 йилнинг ёзига қадар "Камп Ноу"да қолади. Бу ҳақда Marca нашри хабар тарқатди.
Манбага кўра, 32 ёшли футболчи амалдаги шартноманинг охирига қадар «Барса»ни тарк этмоқчи эмас. Аммо аргентиналик футболчи келаси йилнинг август ойига қадар янги шартнома борасида музокараларни бошламоқчи эмас.
Месси ўзининг жисмоний ҳолатини кузатиб бориб, шундан сўнг бир қарорга келмоқчи. У ўзининг юқори савияда ўйнашда давом этишига ишонч ҳосил қилганидан кейингина янги шартнома имзоламоқчи.
Аввалроқ Месси фаолиятини «Барселона»да якунлаш нияти борлигини маълум қилган эди.